Qazaqstan Respýblıkasy Ulttyq ekonomıka mınıstrliginiń buıryǵy  №740

  2015 jylǵy 30 qarasha, Astana qalasy Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan alyp tastaý qaǵıdalaryn bekitý týraly Qazaqstan Respýblıkasynyń 2015 jylǵy 29 qazandaǵy Kásipkerlik Kodeksiniń 88-babynyń 9) tarmaqshasyna sáıkes buıyramyn: 1. Qosa berilip otyrǵan Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan alyp tastaý qaǵıdalary bekitilsin. 2. Mynalardyń: 1) «Naryq sýbektilerin Ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan shyǵarý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń mindetin atqarýshynyń 2015 jylǵy 27 naýryzdaǵy № 262 buıryǵynyń (Normatıvtik quqyqtyq aktilerdi memlekettik tirkeý tiziliminde № 10816 nómirmen tirkelgen, 2015 jylǵy 12 mamyrda «Ádilet» aqparattyq quqyqtyq júıesinde resmı jarııalanǵan); 2) «Naryq sýbektilerin Ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan shyǵarý qaǵıdalaryn bekitý týraly» Qazaqstan Respýblıkasynyń Ulttyq ekonomıka mınıstri mindetin atqarýshynyń 2015 jylǵy 27 naýryzdaǵy № 262 buıryǵyna ózgeris engizý týraly» Qazaqstan Respýblıkasy Ulttyq ekonomıka mınıstriniń 2015 jylǵy 21 shildedegi № 552 buıryǵynyń (Normatıvtik quqyqtyq aktilerdi memlekettik tirkeý tiziliminde № 11908 nómirmen tirkelgen, 2015 jylǵy 29 qyrkúıekte «Ádilet» aqparattyq quqyqtyq júıesinde resmı jarııalanǵan) kúshi joıyldy dep tanylsyn. 3. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Qazaqstan Respýblıkasynyń zańnamasynda belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kúnniń ishinde merzimdik baspa basylymdarynda jáne «Ádilet» aqparattyq quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrýdy qamtamasyz etsin. 4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 5. Osy buıryq 2016 jylǵy 1 qańtardan bastap kúshine enedi jáne resmı jarııalaýǵa jatady. Qazaqstan Respýblıkasy Ulttyq ekonomıka mınıstri E.DOSAEV Qazaqstan Respýblıkasy Ulttyq ekonomıka mınıstriniń 2015 jylǵy 30 qarashadaǵy №740 buıryǵymen bekitilgen Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan alyp tastaý qaǵıdalary 1. Osy Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan alyp tastaý qaǵıdalary (budan ári - Qaǵıdalar) Qazaqstan Respýblıkasynyń Kásipkerlik kodeksiniń (budan ári – Kodeks) 88-babynyń 9) tarmaqshasyna sáıkes ázirlendi jáne Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine (budan ári – Qaǵıda) engizý jáne odan alyp tastaý tártibin aıqyndaıdy. 2. Retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimin (budan ári – Tizilim) júrgizýdi jáne qalyptastyrýdy básekelestikti qorǵaý jáne monopolıstik qyzmetti shekteý salasyndaǵy basshylyqty, memlekettik monopolııa salasyna jatqyzylǵan qyzmetti baqylaý men retteýdi júzege asyratyn memlekettik organ (budan ári – monopolııaǵa qarsy organnyń vedomstvosy) júzege asyrady. Retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimin osy Qaǵıdalarǵa qosymshaǵa sáıkes nysanda júrgiziledi. 3. Bekitilgen Tizilim, sondaı-aq oǵan engizilgen ózgerister monopolııaǵa qarsy organ vedomstvosynyń resmı ınternet – resýrsynda jarııalanady. 4. Tizilimdi qalyptastyrý jáne júrgizý oǵan engizý, odan alyp tastaý, sondaı-aq Tizilimde qamtylǵan naryq sýbektisi týraly málimetterge ózgerister engizý jolymen júzege asyrylady. 5. Tizilimdi qalyptastyrý Kodekstiń 88-babynyń 15) tarmaqshasyna sáıkes bekitetin taýar naryǵyndaǵy básekelestik organnyń jaı kúıine taldaý jáne baǵalaý júrgizý ádistemelerine sáıkes monopolııaǵa qarsy organ júrgizgen taýar naryqtaryn taldaý nátıjeleri negizinde júzege asyrylady. Taýar naryǵyndaǵy básekeles ortanyń jaı-kúıine taldaý jáne baǵalaý júrgizý nátıjeleri boıynsha monopolııaǵa qarsy organnyń vedomstvosy jeti jumys kúni ishinde: Monopolııaǵa qarsy organ vedomstvosy basshysynyń, ol bolmaǵan jaǵdaıda onyń mindetin atqarýshynyń sheshimi boıynsha Tizilimge engizý nemese odan alyp tastaý; tizilimge ózgeris jáne (nemese) tolyqtyrý engizý týraly buıryq shyǵarylady. Eger naryq sýbektisiniń Tizilimde turǵan qyzmetiniń ataýy ózgergen, bul rette qyzmetti kórsetýdiń tehnologııalyq prosesi ózgeriske túspegen jaǵdaıda, Tizilimge naryq sýbektisiniń kórsetiletin qyzmetiniń ataýy bóligine ózgeris engizý jańa (qosymsha) taldaý júrgizbesten engiziledi. 6. Monopolııaǵa qarsy organnyń vedomstvosy naryq sýbektisin Tizilimge engizý ne ózgeris jáne (nemese) tolyqtyrý engizý týraly sheshim qabyldaǵan sátten bastap on jumys kúni ishinde oǵan Tizilimnen úzindi kóshirme jiberedi, naryq sýbektisin Tizilimnen alyp tastaǵan kezde, osy merzimde Tizilimnen alyp tastaý týraly ony jazbasha habardar etedi. 7. Monopolııaǵa qarsy organnyń vedomstvosy «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 7-1-babyna sáıkes retteletinderge jatqyzylǵan salalarda qyzmetti júzege asyratyn naryq sýbektisin, Tizilimge engizgen kezde, Tizilimge tıisti ózgeristerdi engizgen sátten bastap on jumys kúni ishinde retteýshi organdarǵa Tizilimnen úzindi kóshirme jiberedi. Retteletin naryq sýbektisi Tizilimnen alyp tastalǵan kezde monopolııaǵa qarsy organ vedomstvosy osy merzimde retteýshi organdardy jazbasha habardar etedi. 8. Tulǵalar toby Tizilimge birtutas naryq sýbektisi retinde tıisti taýar naryǵyndaǵy qyzmetti júzege asyratyn tulǵalar tobyna kiretin barlyq jeke jáne (nemese) zańdy tulǵalar kórsetilip engiziledi. Tizilimge tulǵalar tobyn quraıtyn naryq sýbektilerin engizý, olardyń jalpy sanyna jáne árqaısysynyń naqty úlesine baılanysty bolmaıdy. 9. Tıisti retteletin naryqqa Tizilimde turǵan jáne uqsas (birin-biri almastyratyn) taýarlardy (jumystardy, kórsetiletin qyzmetterdi) ótkizetin naryq sýbektilerimen tulǵalar tobyn quraıtyn jańa naryq sýbektileri shyqqan jaǵdaıda, mundaı naryq sýbektileri Tizilimge jańa (qosymsha) taldaý júrgizbesten tulǵalar tobynyń quramynda engiziledi. 10. Tulǵalar toby ishinde olar boıynsha tulǵalar toby Tizilimge engizilgen qyzmet túrlerimen aınalysatyn jańa naryq sýbektileri qurylǵan jaǵdaıda, osy naryq sýbektileri Tizilimge olardyń anyqtalý faktisi boıynsha engiziledi. 11. Naryq sýbektisin Tizilimnen alyp tastaý úshin negizder: 1) zańdy tulǵanyń ne jeke tulǵanyń dara kásipker retinde naryq sýbektisiniń jazbasha (erkin nysanda),ótinishi boıynsha qyzmetin toqtatýy; 2) naryq sýbektisin Tizilimnen alyp tastaý týraly zańdy kúshine engen sot sheshimi; 3) nátıjesinde naryq sýbektisi taýar naryǵynda básekeles ortannyń jaı-kúıin taldaý jáne baǵalaý nátıjeleri boıynsha belgilengen retteletin naryqtardaǵy ústem nemese monopolııalyq jaǵdaıyn joǵaltqan, tıisti taýar naryǵynda naryq sýbektisi úlesiniń tómendeýi; 4) naryq sýbektisiniń retteletin naryqtardaǵy ústem nemese monopolııalyq jaǵdaıǵa ıe qyzmet túrin júzege asyrýdy toqtatýy bolyp tabylady. Naryq sýbektilerin retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimine engizý jáne odan alyp tastaý qaǵıdalaryna qosymsha Nysan Retteletin naryqtardaǵy ústem nemese monopolııalyq jaǵdaıǵa ıe naryq sýbektileriniń memlekettik tizilimi № r/s Naryq sýbektisiniń (sýbektileri) ataýy Naryq sýbektisi ótkizetin taýardyń (jumystyń, kórsetiletin qyzmettiń) ataýy Taýar naryǵynyń geografııalyq shekaralary Naryq sýbektisiniń taýar naryǵyndaǵy úlesi 1 2 3 4 5 2 3 Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine №12485 bolyp engizildi.